Yunon-rum kurashchilarimiz Xorvatiyada birinchi bo'lishdi FOTOGALEREYA

Dunyoning yigirmadan ziyod davlati yosh (18-20 yoshlilar) kurashchilari qatnashgan nufuzli Adriatic Trophy musobaqacida yurtimiz sharafini Asliddin Xudoyberdiev va Xayrulla Abdullaev murabbiyligidagi 8 nafar yunon-rum kurashchimiz himoya qildi. O'zbekistonlik referi Sobir Qo'ziev esa xalqaro turnirga hakam sifatida yo'l olgandi.    

Musobaqa yakunida kurashchilarimiz 2 ta oltin, 3 ta kumush va 1 ta bronza medali bilan umumjamoa hisobida birinchi o'rinni egallashdi. Terma jamoamizga oltin medallarni 55 kg vaznda gilamga chiqqan Alimardon Abdullaev hamda 63 kg vaznli kurashchimiz Abror Atabaev taqdim etdi. 60 kg vaznda kurashgan Husniddin Olimboev, 82 kg vazndagi Muhammadqodir Rasulov hamda 87 kg vaznda bellashgan SHahriyor Jo'raboev kumush medal sohibiga aylandi.