Yunon-rum kurashchilarimiz Xorvatiyaga jo'nab ketishdi

Reja bo'yicha "klassiklarimiz" 12-18 yanvar kunlari Xorvatiya poytaxti Zagreb shahrida o'tkaziladigan "Gran Prix Zagreb Open 2021" turnirida ishtirok etishadi. Bu yunon-rum kurashi terma jamoamizning bir yillik tanaffusdan so'ng qatnashadigan birinchi xalqaro musobaqasi hisoblanadi. 

Zagreb turniri yakuniga etishi bilan Xorvatiyaning Porech shahrida xalqaro o'quv-mashg'ulot yig'ini boshlanadi. "Gran Prix Zagreb Open 2021" musobaqasida qatnashgan aksariyat terma jamoalar 18-29 yanvar kunlari oralig'ida o'tkaziladigan ushbu xalqaro mashg'ulotlarda ishtirok etadi. Xalqaro toifadagi referi, "Oltin hushtak" sohibi Tohir G'ulomov xalqaro turnirda hakamlik qiladi.   

Malumot uchun, ayni paytda yunon-rum kurashchilarimiz tomonidan Tokio Olimpiadasining 3 ta licenziyasi bor. 2019 yil Qozog'istonning Nur-Sultan shahrida o'tgan jahon chempionatida Elmurat Tasmuradov, Jalgasbay Berdimuratov va Rustam Assakalov Olimpiada yo'llanmasini qo'lga kiritgan edi. 

Xorvatiyaga yo'l olgan tarkib:

55 kg: Jasurbek Ortiqboev, Ilhom Bahromov

60 kg: Islomjon Bahromov, Feruz To'xtaev, Muhammadqodir Yusupov

63 kg: Elmurat Tasmuradov 

67 kg: Mahmud Baxshulloev, Mirzobek Rahmatov 

72 kg: Aram Vardanyan

77 kg: Jalgasbay Berdimuratov

97 kg: Jahongir Turdiev

130 kg: Mo'minjon Abdullaev

Murabbiylar - Ravshan Ro'ziqulov, Rustam Qudratov, Zaza Silagadze

Hakam - Tohir G'ulomov

Massajchi - Uzrob Tursunaliev