30 may 15:26
Yangiliklar

Sport kurashlari

Yunon-rum kurashchilarimiz "Yangiobod"da mashg'ulot o'tkazishyapi FOTOREPORTAJ

SHu kunlarda yunon-rum kurashi bo'yicha O'zbekiston kattalar terma jamoasi Toshkent viloyatining tog'li hududida joylashgan "Yangiobod" bazasida o'quv-mashg'ulot yig'inini o'tkazyapti.

Bosh murabbiy Ravshan Ro'ziqulov ushbu yig'inga 30 nafar kurashchini taklif etgan. Mashg'ulotlar kuniga ikki mahaldan tashkil etilgan bo'lib, 10 iyunga qadar davom etadi. SHu kuni terma jamoamiz Polshadagi xalqaro reyting turnirida ishtirok etish uchun Varshava shahriga jo'nab ketadi. Polshadagi turnir yakunlanganidan so'ng o'sha erning o'zida xalqaro o'quv-mashg'ulot yig'ini ham o'tkaziladi.

Eslatib o'tamiz, Tokio Olimpiadasida yunon-rum kurashchilarimizdan Elmurat Tasmuradov, Jalgasbay Berdimuratov, Rustam Assakalov va Mo'minjon Abdullaev yurtimiz sharafini himoya qiladi.