Yunon-rum kurashchilarimizning Minsk yig'ini qizg'in pallada

Ravshan Ro'ziqulov shogirdlari mashhur "Stayki" sport majmuasida Belarus, Qozog'iston, Ozarbayjon kabi davlat terma jamoalari bilan birga mashg'ulot o'tkazmoqda. Kuniga ikki mahaldan belgilangan mashg'ulotlarda 12 nafar «klassik» kurashchilarimiz ishtirok etyapti. 

Minsk yig'ini 24 fevral kuni yakuniga etadi. Belarusdagi mashg'ulotlar 25 fevral - 1 mart kunlari Kiev shahrida o'tkaziladigan xalqaro turnirga tayyorgarlik vazifasini o'tab bermoqda. 

Malumot uchun, hozirda uch nafar yunon-rum kurashchimiz - Elmurat Tasmuradov, Jalgasbay Berdimuratov va Rustam Assakalov Tokio Olimpiadasi licenziyasiga ega. Qolgan kurashchilarimiz Qozog'iston va Bolgariyada o'tkaziladigan licenzion turnirlarda ushbu imkoniyatni qo'lga kiritish uchun gilamga chiqishadi.

MASHG'ULOTLARDA QATNASHAYOTGAN TARKIB:

55 kg: Jasurbek Ortiqboev

60 kg: Islomjon Bahromov, Muhammadqodir Yusupov

63 kg: Elmurat Tasmuratov

67 kg: Mahmud Baxshulloev, Mirzobek Rahmatov

72 kg: Aram Vardanyan

77 kg: Jalgasbay Berdimuratov, Bilan Nagliev

87 kg: Rustam Assakalov

97 kg: Jahongir Turdiev

130 kg: Mo'minjon Abdullaev