Yunon-rum kurashchilarimizning Minsk yig'ini yakunlandi, navbat Kiev turniriga!

Ravshan Ro'ziqulov shogirdlari ikki hafta davomida mashhur "Stayki" sport majmuasida Belarus, Qozog'iston, Ozarbayjon kabi davlat terma jamoalari bilan birga mashg'ulot o'tkazishdi. Kuniga ikki mahaldan tashkil etilgan mashg'ulotlarda 12 nafar «klassik» kurashchilarimiz ishtirok etdi. 

Minsk yig'ini 25 fevral - 1 mart kunlari Kiev shahrida o'tkaziladigan xalqaro turnirga tayyorgarlik vazifasini o'tab berdi. Ertaga terma jamoamiz delegaciyasi Minsk shahridan to'g'ri Kievga yo'l oladi. 

Malumot uchun, hozirda uch nafar yunon-rum kurashchimiz - Elmurat Tasmuradov, Jalgasbay Berdimuratov va Rustam Assakalov Tokio Olimpiadasi licenziyasiga ega. Qolgan kurashchilarimiz Qozog'iston va Bolgariyada o'tkaziladigan licenzion turnirlarda ushbu imkoniyatni qo'lga kiritish uchun gilamga chiqishadi.

Terma jamoa tarkibi:

55 kg: Jasurbek Ortiqboev

60 kg: Islomjon Bahromov, Muhammadqodir Yusupov

63 kg: Elmurat Tasmuratov

67 kg: Mahmud Baxshulloev, Mirzobek Rahmatov

72 kg: Aram Vardanyan

77 kg: Jalgasbay Berdimuratov, Bilan Nagliev

87 kg: Rustam Assakalov

97 kg: Jahongir Turdiev

130 kg: Mo'minjon Abdullaev