Yunon-rum kurashchimiz Jahon chempionati sovrindori

Dunyo birinchiligining yunon-rum kurashi bahslarida hamyurtimizdan biri sovrindor bo'ldi. -55 kg vazn toifasida yurtimiz sharafini himoya qilgan Alisher G'aniev avvaliga bronza medali yo'lidagi bellashuvda vengriyalik Edmond Domokosni 8-0 hisobida mag'lub etdi. Keyin esa bronza medali uchun kechgan bahsda eronlik Ali Abdulloh Ahmadi Vafadan 9-0 hisobida ustun keldi va jahon chempionati sovrindoriga aylandi. 

Alisher G'aniev jahon chempionati doirasida xalqaro neytral sportchi maqomida qatnashayotgan rossiyalik Alibek Amirovni 8-0, nimchorak finalda yaponiyalik kuchli raqibi Kohei Yamagivani 12-3 hisobida taslim etgan edi. 

SHu tariqa, yunon-rum kurashi bo'yicha O'zbekiston yoshlar terma jamoasi jahon chempionatidagi ishtirokini 1 ta bronza medali bilan yakunladi. Erkin kurashchilarimizdan ham birgina Nodirbek Jumanazarov jahon chempionatining bronza medaliga ega chiqqan edi.