19 iyu 18:15
Yangiliklar
Sport kurashlari
Yunon-rum kurashchimiz SHahzod Ro'zioxunov Osiyo chempioni!
SHu kunlarda Qirg'iziston poytaxti Bishkek shahri erkin, yunon-rum va ayollar kurashi bo'yicha o'smirlar (U 17) hamda yoshlar (U 23) o'rtasidagi Osiyo chempionatiga mezbonlik qilyapti.
Ayni daqiqalarda yunon-rum kurashi bo'yicha final bellashuvlari o'tkazilmoqda va etiborga molik jihati, hamyurtimiz SHahzod Ro'zioxunov Osiyo chempionligini qo'lga kiritdi. 45 kg vazn toifasidagi yunon-rum kurashchimiz hal qiluvchi final uchrashuvida eronlik Farzad Balutakini so'nggi ball evaziga mag'lub etib, oltin medalga ega chiqdi.
Valijon Jonxo'rozov va Farruh Usmonovning shogirdi hisoblangan SHahzod finalga qadar koreyalik Xan Ujin (8-0), yaponiyalik Tayga Kishida (6-0), qozog'istonlik SHingizxan Abdixalimovni taslim (3-2) eta oldi. Faqat uchinchi davrada finaldagi eronlik raqibiga yutqazib qo'ygandi. Oltin medal uchun kechgan bellashuvda o'sha mag'lubiyat alamini chiroyli tarzda olishni uddaladi.
Havola :
Manba : olamsport.com
Fikrlar