16 sen 12:31
Yangiliklar
Sport kurashlari
Yunon-rum kurashi. Tasmuradov va Abdullaev JCHdagi yurishni muvaffaqiyatli boshladi
Qozog'iston poytaxtida sport kurashlari bo'yicha jahon chempionatining navbatdagi kuni qizg'in davom etmoqda.
Biroz avval eng og'ir vazn toifasida nomdor klassik kurashchilarimizdan Mo'minjon Abdullaev (-130 kg) o'zining dastlabki bellashuvini o'tkazdi.
Bolgariyalik Miloslav Metodiev bilan bahs olib borgan vakilimiz 3:1 hisobida ustun keldi va 1/8 finalga yo'l oldi. Ushbu bosqichda unga xorvatiyalik Marko Koschevich raqiblik qiladi.
SHuningdek, Rio Olimpiadasi sovrindori Elmurat Tasmuradov (-60 kg) ham armanistonlik Gevorg G'aribyanni mag'lub etishning uddasidan chiqdi. Tasmuradovning keyingi raqibi janubiy koreyalik Sengxak Kim bo'ladi.
Tokio Olimpiadasi yo'llanmasi va bronza medali uchun o'tish bosqichida kurash olib borgan Jahongir Turdiev esa polshalik Tadeush Mixalikka 3:4 hisobida imkoniyatni boy berib qo'ydi.
Suratlar muallifi: Anvar Ilyasov
Havola :
Manba : olympic.uz
Fikrlar