26 iyu 21:48
Yangiliklar

Dzyudo

Zagreb Gran-prisi. Tilovov bronza uchun bahsda yutqazdi

Xorvatiyaning Zagreb shahri mezbonlik qilayotgan dzyudo bo'yicha Gran-pri turkumiga kiruvchi nufuzli turnirning birinchi kungi bahslari yakuni sari yaqinlashmoqda.

-66 kg vazn toifasida yurtimiz sharafini himoya qilgan dzyudochimiz Muhriddin Tilovov bronza medali uchun kechgan bellashuvda franciyalik Kilian de Blouchga qarshi tatamiga chiqdi.

Uchrashuv g'olibi qo'shimcha daqiqalarda aniqlandi. Bahsni boshqarib borgan amerikalik referi Donald Robertson “Golden Score”da hamyurtimizga uchinchi shidoni ko'rsatdi va bu bilan u franciyalik dzyudochining g'alabasini taminladi. Tilovov esa 5-o'rin bilan kifoyalandi.