Zamonamizning eng novcha tennischisi, eys zarbalar qiroli faoliyatini yakunladi

Isner o'z vatanida o'tkazilayotgan US Open turnirining juftlik musobaqasida hamyurti Jek Sok bilan birga amerikalik Robert Gelloue hamda franciyalik Albano Olivettiga yutqazib qo'ydi - 2/6, 6/3, 6/7(3).

Bu Jon uchun faoliyatidagi so'nggi uchrashuv bo'lib qoldi. Isner Sok bilan birgalikda uchta "Masters" (SHanxay-2016, Indian-Uells-2018, Indian-Uells-2022) turnirlarida bosh sovrinni qo'lga kiritgan. Jek ham AQSH Ochiq chempionatidan so'ng faoliyatini yakunlaydi. U hali US Open turnirining aralash juftlik bahslarida kortga chiqishi kerak. Sok 19 yoshli hamyurti Kori Goff bilan tandem hosil qilgan.