Zamonaviy beshkurash. Bugun Markaziy Osiyo kubogi boshlanadi

Mezbonlardan tashqari Rossiya va Qozog'iston davlatlaridan jami 50dan ziyod kuchli atletlar ishtirok etayotgan mazkur chempionatda O'zbekiston delegaciyasi sportchilari ham o'z imkoniyatlarini sinov o'tkazishyapti.

Xalkaro musobaqada yurtimiz sharafini beshkurashchi Ruslan Mamatqulov ilk bor himoya kiladi. Zamonaviy beshkurash bo'yicha o'tkazilgan O'zbekiston Ochiq chempinatida g'olib bo'lgan Ruslan Mamatqulov musobaqa taqvimiga ko'ra bugun suzish va qilichbozlik bo'yicha o'z mahoratini sinovdan o'tkazadi.

30 iyun kuni esa konkur-ot bilan to'siqlardan sakrash bo'yicha bahslarga kirishadi. SHu kunning o'zida sportchilar kombayn-yugurish va o'q otish bo'yicha ochkolar jamg'arishga kirishadi. Bishkek shahrida o'tkazilayotgan ushbu ochiq chempionatda g'olib bo'lgan beshkurashchilar yakunda Markaziy Osiyo kubogi sohibiga aylanishadi.

O'zbekiston zamonaviy beshkurash federaciyasidan malum qilishlarcha ushbu turnirdan ko'zlangan asosiy maqsad yurtimizda ushbu sport turini yanada ommalashtirish, iqtidorli yoshlarni kashf etish va ularning xalqaro musobaqalardagi ishtirokini taminlash, shuningdek federaciyalararo do'stlik aloqalarini mustahkamlashdan iboratdir.

Eslatib o'tamiz, yurtimizda joriy yilning 10 fevral kuni O'zbekiston zamonaviy beshkurash federaciyasi tashkil etilgan edi. Bishkekdagi musobaqa sportchilarimizning xalkaro arenadagi ilk ishtiroki sanaladi.

O'zbekiston zamonaviy beshkurash federaciyasi axborot xizmati