Zangiotadagi harbiy qismda sport bellashuvlari o'tkazildi + FOTO

O'zbekiston Respublikasi Jismoniy tarbiya va sport vazirligi, Toshkent viloyati hokimligi, viloyat jismoniy tarbiya va sport boshqarmasi hamda harbiy qism   hamkorligida tashkil etilgan mazkur musobaqalarda harbiy xizmatchilar o'zaro kuch sinashishdi. 

Murosasiz va shu bilan birga bayramona ruhda o'tgan bahslar yakunida yuqori natijalarga erishgan harbiylar Toshkent viloyati hokimligi tomonidan diplom, medal va qimmatbaho sovg'alar bilan mukofotlanishdi. 

SHuningdek, shu kuni ushbu harbiy qismda O'zbekiston Respublikasi Qurolli Kuchlari tashkil etilganligining 28 yilligi oldidan  viloyat jismoniy tarbiya va sport boshqarmasi O'zbekiston Bahodirlar o'yini va tosh ko'tarish federaciyasi bilan hamkorlikda avtotransport vositasi (avtobus)ni tortish va tosh ko'tarish bo'yicha xarbiy xizmatchilar o'rtasida o'ziga xos bellashuv ham bo'lib o'tdi. 

Pahlovonlikda o'zini sinab ko'rgan harbiy yigitlar shartlarni bajarishda tajribali sportchilardan qolishmasligini isbotlab, yig'ilganlar etirofiga sazovor bo'lishdi. Eng kuchli, deb topilgan harbiylar tashkilotchilar tomonidan esdalik sovg'alari bilan mukofotlanishdi.

Ilhom RAHMONOV tayyorladi