31 iyu 06:07
Yangiliklar

Boks/MMA

Zarrux Adashev taroziga chiqdi. Ertaga hayot-mamot jangi + FOTO

Bizning vaqt bilan ertaga tongda AQSHning Nevada shtati Las-Vegas shahrida navbatdagi UFC turniri bo'lib o'tadi.

UFC on ESPN 28 turniri doirasidagi ushbu yakkakurash oqshomida hamyurtimiz Zarrux Adashev ham oktagonga ko'tariladi. Uning raqibi Rayan Benua bo'ladi. 25 avgust kuni 32 yoshga to'ladigan amerikalik yakkakurash ustasi faoliyati davomida 17 ta jang o'tkazgan bo'lib, hisobida 10 g'alaba va 7 mag'lubiyat bor.

Bugun turnir ishtirokchilari va tabiiyki, Zarrux Adashev hamda uning raqibi rasmiy tarozidan o'tish marosimida ishtirok etishdi. Zarrux ham, Rayan ham belgilangan vazn meyorini bajarishdi. Aslida sportchilar 8 may kuni o'zaro jang qilishlari lozim edi. Ammo o'shanda Benua belgilangan vazn meyorini bajara olmagani sabab sog'lig'i yomonlashgan va jang bekor qilingandi.