Бадминтон бўйича Марказий Осиё чемпионатининг тантанали очилиш маросими бўлиб ўтди (ФОТО)

Кеча мазкур мусобақанинг тантанали очилиш маросими ўтказилди.

Унда Ўзбекистон Республикаси Экология вазири, мамлакат бадминтон федерацияси раиси А.Абдухакимов, Спорт вазири А.Икрамов, Олий таълим, фан ва инновациялар вазири К.Шарипов, МОҚ раисининг биринчи ўринбосари О.Умаров, шунингдек, Осиё Бадминтон федерацияси масъуллари иштирок этиб, мамлакатимизда спорт тараққиёти бўйича олиб борилаётган ишлар ҳақида сўз юритдилар ва мусобақа иштирокчиларига омад тиладилар.

Эслатиб ўтамиз, 22 сентябрга қадар давом этадиган мазкур турнирда 7 мамлакатдан 100 нафарга яқин спортчи иштирок этмоқда. Дастурга кўра, спортчилар U15, У17 ва U23 ёш тоифаларида жамоавий, яккалик, жуфтлик ва микст йўналишларида ғолиблик учун баҳс олиб боришмоқда.