16 июн 12:01
Янгиликлар

Теннис

Биринчи ракеткамизнинг Cкопьедаги юриши бошланди

Душанба куни расман Ўзбекистоннинг биринчи ракеткасига айланган Ҳумоюн Султонов ушбу натижаси билан тажрибали Денис Истоминнинг 17 йиллик ҳукмронлигига чек қўйганди.

Истеъдодли теннисчимиз мамлакатимизнинг биринчи ракеткаси сифатидаги илк турнирини Македонияда ўтказяпти. Ҳамюртимиз пойтахт Скопье шаҳрида ташкил этилаётган "Фьючерс" турнирининг илк даврасида сербиялик Душан Обрадовични 6/4, 6/3 ҳисобида мағлуб этди.

Бугун Ҳумоюн 1/8 финал учрашувида уругвайлик 22 ёшли Франко Ронкаделлига қарши кортга чиқади. Ушбу учрашув бизнинг вақт билан тахминан соат 14:30дан кейин бошланади. Cултонов ATP рейтингида 370, Обрадович 1007, Франко эса 1050-ўринни эгаллаб турибди. Кеча уругвайлик теннисчи биринчи даврада рейтингда ўзидан деярли 200 поғона юқорида бораётган рақибини мағлубиятга учратган эди.