09 авг 18:18
Янгиликлар
Бокс/ММА
Боксчи чемпионлик жангидан бир неча кун ўтиб вафот этди
Япониялик профессионал боксчи Сигетоси Котари чемпионлик жангидан бир неча кун ўтиб, 28 ёшида вафот этди, деб хабар берди Япония бокс комиссияси.
Олти кун олдин Котари ватандоши Ямато Хатога қарши чемпионлик камари учун рингга кўтарилганди. Тўлиқ ўн икки раунд давом этган тўқнашув дуранг натижа билан якунланган эди. Жанг давомида Сигетоси бош қисмига кўплаб зарбалар ўтказиб юборган ва бунинг натижасида субдурал гематома ташхиси билан шошилинч бош мия операциясини ўтказиш учун касалхонага етказилганди.
Операциядан икки кун ўтиб, кеча тунда Котари вафот этди. Бу хабарни Япония бокс комиссияси ҳам тасдиқлади.
"Рингдаги жангчи. Руҳи баланд жангчи. Жуда эрта кетди. Унинг оиласи, жамоаси ва бутун япон бокс жамоатчилиги қайғуда. Дуоларимиз у учун", - дейилади хабарда.
Ҳавола :
Манба : championat.com
Фикрлар