11 апр 07:45
Янгиликлар

Теннис

Бугун Тошкентда Billie Jean King кубоги саралаш баҳслари старт олади, бугунги ўйинлар тақвими билан танишинг

Теглар : Билли Жин Кинг кубоги Билли Жин Кинг

11-15 апрель кунлари пойтахтимизда Billie Jean King кубогининг Осиё ва Океания биринчи гуруҳидан ўрин олган ўйинлар ўтказилади.

Бугун теннис бўйича аёллар халқаро терма жамоалари ўртасида Billie Jean King кубоги гуруҳ босқичи саралаш баҳслари старт олади.

Бугунги тақвим маълум бўлди:

Япония - Корея Республикаси
Хитой - Ўзбекистон
Ҳиндистон - Таиланд.

Ўйинлар 10:00 да, пойтахтимиздаги Теннисга ихтисослашган Олимпия мактаби хард кортларида бошланади.

Шунингдек, таркибимизда ўзгариш юзага келганини таъкидлаш лозим. Етакчи ракеткамиз — Нигина Абдураимова бу турнирда иштирок этмайди, бунга нима сабаб бўлгани ҳозирча маълум эмас. Унинг ўрнига терма жамоа сафида Оминахон Валихонова ҳамда Сабрина Олимжонова ғолиблик учун кураш олиб боради.

Маълумот учун, бугунги рақибимиз бўлмиш — Хитой аёллар терма жамоаси сафида дунё рейтингида 33-ўринни эгаллаб турган Чжу Линь ҳаракат қилади.