09 авг 22:38
Янгиликлар

Спорт курашлари, Бошқалар

Бунақаси камдан-кам бўлади. Ўзбекистонлик уч ака-ука эркин курашчилар МДҲ ўйинлари совриндорига айланди!

Айни дамда Беларусда II МДҲ ўйинларининг бешинчи кунидан ўрин олган беллашувлар якунланмоқда.

Мусобақанинг эркин кураш спорт турида ҳам ғолиб ва совриндорлар аниқлана бошлади. Қувонарлиси, бугунги кун доирасида - 65 кг вазнда баҳсларда иштирок этган Жавоҳир Чўлибоев ҳамда -74 кг вазн тоифасида унинг акаси Жафар Чўлибоев, шунингдек оиланинг яна бир аъзоси Далер Чўлибоев (-79 кг) мусобақада бронза медалини қўлга киритди.

Шу тариқа, ака-укалар Ўзбекистон делегацияси ҳисобига навбатдаги бронза медалларини тақдим этди.

Қайд этиш лозимки, ушбу мусобақада бир оиладан уч вакил медаль қўлга киритилган ҳолат бўлди.

Маълумот учун, айни дамда Ўзбекистон делегацияси 44 та медал билан умумий жадвалда учинчи ўринда бормоқда.