09 янв 13:58
Янгиликлар
Футбол
"Бунёдкор"га Туркия Суперлигасидан ҳужумчи келиши мумкин
"Адана Демирспор"нинг қозоғистонлик ҳужумчиси Тошкентга кўчиб келишга яқин турибди.
"Championat.asia"га маълум бўлишича, "Бунёдкор" Қозоғистон миллий терма жамоаси ва "Адана" клуби ҳужумчиси Абат Қайратули Айимбетовни ўз сафига қўшиб олмоқчи. Туркия Суперлигаси жорий мавсумида Айимбетов 12 та ўйинда майдонга тушиб, 3 та гол уришни уддалаган.
"Transfermarkt" портали 1995 йил 7 августида таваллуд топган Абат Айимбетовнинг трансферини 500 минг еврога баҳоламоқда.
Европа Чемпионати саралаши доирасида Данияга қарши баҳснинг 89-дақиқасида гол урган Абат Қозоғистонга ғалаба келтирганини таъкидлаб ўтиш мумкин. Умумий ҳисобда Абат Айимбетов мамлакат миллий термаси сафида 44 та ўйинда майдонга тушган ва 9 та гол уришга муваффақ бўлган.
Ҳавола :
Манба : championat.asia
Ўхшаш янгиликлар
13:59
Қозоғистонда IBA Жаҳон чемпионатининг ғолиб ва совриндор боксчилари яхшигина мукофот билан сийланди 0
Фикрлар