IBA ЖЧ-2025 якунларини сарҳисоб қилган Қайрат Сатжанов ҳакамлик мавзусига ҳам тўхталди

"Жаҳон чемпионати якунига етди. Унда шогирдларимиз 3 та олтин, 1 та кумуш ва 2 та бронза медалини қўлга киритди. Ҳаммадан мамнунман, йигитлар қўлларидан келганини қилишди, бор кучларини ишга солишди, муносиб иштирок этишди. Бир нечта жанглар рақиблар қўлига ўтиб кетганини ўзингиз кўрдингиз. Шундай бўлса-да, мен жуда мамнунман. Фикримча, сўнгги жангда Сабиржан Аккаликов ғалаба қозонганди. Ҳакамлар...

Энди 2026 йилги мавсум мусобақаларига тайёргарлик кўрамиз. Хатолар устида ишлаймиз, тажриба орттирамиз. Ушбу турнир биз учун бўлажак Осиё ўйинлари олдидан машғулот бўлди. Яхши лаҳзалар ва ўз ўрнида хатолар ҳам бўлди - сарҳисоб қиламиз ва хулоса чиқарамиз.

Келгуси йил Осиё чемпионати ва бошқа йирик турнирлар бўлиб ўтади ва энг асосий старт Осиё ўйинларидир. Ўйлайманки, Осиё ўйинларига тайёргарлик кўрамиз ва халқимизни олтин медаллар билан хурсанд қиламиз", - деди Сатжанов.

Эслатиб ўтамиз, IBA жаҳон чемпионатида Қозоғистон терма жамоаси олтита медаль қўлга киритди: Сакен Бибосинов (54 кг), Оразбек Асилкулов (57 кг), Аблайхан Жусупов (71 кг) олтин; Сабиржан Аккаликов (75 кг) кумуш; Темиртас Жусупов (48 кг) ва Эртуган Зейнуллинов (63,5 кг) - бронза.