24 июн 13:22
Янгиликлар

Бокс/ММА

Дана Уайт: " Бу дивизионда ҳақиқий қотиллар жам бўлган"

UFC президенти Дана Уайт Камару Усман ва Леон Эдвардс ўртасидаги бўлажак жанг ҳақида фикр билдирди.

"Эдвардс чемпионлик жангига лойиқ эди. У бетакрор истеъдод соҳиби. Умумий олиб қараганда ҳам, яримўрта вазн ҳозирда истеъдодли жангчиларга тўла. Ҳар қандай ҳолатда ҳам Усманни яримўрта вазн тарихидаги энг буюк жангчи эканлигини инкор этиб бўлмайди.

Усман иккинчи "круг"да ҳам кўпгина кучли жангчиларни мағлуб этди. Бу фақатгина чемпионга эга, бошқа ҳеч ким йўқ бўлган қандайдир хира дивизион эмас. Бу дивизионда ҳақиқий қотиллар жам бўлган", - дея таъкидлаган Уайт.

Эслатиб ўтамиз, Камару Усман оҳирги бор 2021 йилнинг ноябрь ойида, Колби Ковингтонга қарши жанг қилган эди. Аввалроқ, Усманнинг UFC 278 турнирининг марказий жангида иштирок этиши ҳақида хабар берган эдик.