Дрикус дю Плесси: "Мен жароҳат олганим йўқ, жанг борасида аллақачон келишиб олганмиз"

"Ҳа, ҳамманинг ўзига хос фикри ва тасдиқланмаган эртаклари бўлди — кимдир оёқнинг синиши, кимдир жароҳат ҳақида гапирди. Мен учун буларнинг барчаси жуда кулгили туюлди. Аммо афсуски, бунинг ҳеч бири ҳақиқатга тўғри келмайди.

Биз UFC билан жанг санаси ва рақиб борасида аллақачон келишиб олганмиз. Июнь ойидаги жанг учун шартномага имзо чекмадим. Ҳеч қандай жангдан бош тортмаганман. Мен — чемпионман ва қачон даъвогар билан жанг қилишим кераклигини ўзим яхши биламан. Фақат биз сўраган пайтда "розиман" деб жавоб беришингиз кифоя", — деб ёзди Дю Плесси ижтимоий тармоқда.

Эслатиб ўтамиз, ушбу вазнда Хамзат Чимаев чемпионлик жанги учун биринчи рақамли даъвогар ҳисобланади.