Дрикус Дю Плесси октагонга қайтиш муддатини айтди

Жанубий Африка Республикаси вакили келаси йилнинг баҳорида октагонга қайтишни режалаштирмоқда.

"Очиғи, бундан кейин ким билан жанг қилишимни ўзим ҳам билмайман. Дивизионда ҳозир тартибсизлик, барқарор ғалаба қозонаётган ҳеч ким йўқ. Муаммо ҳам шунда. Барқарорлик бўлмаса, рақибни қандай танлаш керак? UFC билан гаплашдим ва келаси йилнинг биринчи чораги менга жуда мос келади. Мартнинг охири, апрелнинг боши - айни муддао бўларди", - деди Дрикус Fight Forecast’га берган интервьюсида.

Аввалроқ, Дрикус Дю Плесси Брендан Алленга қарши октагонга чиқишини айтганди. Аллен нидерландиялик Ренье де Риддерни муддатидан олдин мағлуб этганидан кейин Дю Плессини жангга чорлаганди.