19 дек 13:28
Янгиликлар

Бокс/ММА

Энтони Жошуа: "Усик Фьюрини биринчи жангда нокаутга учратишини хоҳлаганман"

Супероғир вазнда собиқ жаҳон чемпиони Энтони Жошуа 2024 йилнинг май ойида Александр Усик билан бўлиб ўтган биринчи жангда Тайсон Фьюрига мухлислик қилмаганини тан олди.

Эслатиб ўтамиз, Усик ҳакамларнинг айри қарори билан ғалаба қозонганди. Ўшанда жанг тўққизинчи раундда якунланиши мумкин эди. Лекин Фьюри деярли нокаут ҳолатидан чиқиб кета олганди.

"Усик уни яна бир зарба билан ушлаб олишини хоҳлардим. Мен қарадим ва ўйладим: "Илтимос, яна битта кучли зарба". Ўзини тутиб туриш қийин эди. Мен Усик Фьюрини нокаутга учратишини хоҳлардим, бу йигитни тинчлантириш керак. Қасам ичиб айтаманки, агар менда шундай имконият бўлса, уни "ухлаш"га юбораман", - дея Жошуанинг сўзларини келтиради The Ring.