01 ноя 10:59
Янгиликлар
Теннис
Фомин Хитойда сенсация кўрсатиб, финалга йўл олди!
Хитойнинг Цяньдаоху шаҳрида давом этаётган теннис бўйича ITF M25 турнири ўзининг якуний палласига кирди.
Мусобақада тўртинчи рақам остида сараланган Фомин тонгда Хитой вакили, турнирнинг биринчи рақамли теннисчиси Сун Фажингга қарши кортга чиқди. Ярим финал босқичидаги мазкур беллашув 2 соату 16 дақиқа давом этди. Якунда Фомин сенсация қайд этган ҳолда 2:1 (6/3, 2/6, 6/4) ҳисобида зафар қучди.
Таққослаш учун, бугунги ўйин олдидан Фомин ATP рейтингида 462, Сун Фажинг эса 251-ўринни эгаллаб турганди.
Энди 24 яшар ҳамюртимиз турнир ғолиблиги учун нейтрал мақомдаги ракетка устаси Николай Галакка қарши баҳс олиб боради. Сергейнинг дунё рейтингида 863-ўринда бораётган Галакка қарши ўйини эртага соат 7:00 да бошланиши белгиланган.
Ҳавола :
Манба : olamsport.com
Фикрлар