30 авг 14:34
Янгиликлар

Хоккей

"Ҳумо" Қозоғистон Кубоги финалига йўл олди!

Хоккей бўйича Қозоғистон Кубоги ҳал қилувчи паллага яқинлашмоқда.

Ҳозиргина Тошкентнинг "Ҳумо" клуби Уст-Каменогорскнинг "Торпедо" жамоасига қарши ярим финал учрашувини якунлади. Ўйиннинг асосий вақтида 1:1 ҳисоби қайд этилди. Беш дақиқалик овертаймда ҳисоб ўзгармади. Буллитлар сериясида эса "қанотлилар"нинг қўли баланд келди ва "Ҳумо" финалга йўл олди.

Эслатиб ўтамиз, "Ҳумо" жамоаси гуруҳ босқичидаги 4 та учрашувнинг барчасида ғалаба қозониб, 100 фоизлик натижа билан плей-оффга йўл олган эди. "Ҳумо"нинг финалдаги рақиби бугун оқшом "Арлан" ва "Актобе" клублари ўртасида ўтказиладиган иккинчи 1/2 финал учрашувидан сўнг маълум бўлади.