17 дек 07:53
Янгиликлар

Бокс/ММА

Илҳом Назимовнинг RIZIN промоушенидаги навбатдаги жанги тасдиқланди

Таниқли аралаш яккакураш устамиз 30 декабрь куни Япониянинг Саитама шаҳрида ташкил этиладиган турнирда ММА фаолиятидаги 16-жангини ўтказади.

"Saitama Super Arena" мезбонлик қиладиган турнирда Илҳом Назимовга америкалик Ноа Бей рақиблик қилади. Айнан шу жанг 30 декабрь кунги турнир кардини очиб беради. Асосий жанг эса қирғизистонлик Ражабали Шайдуллаев ва япониялик Микуру Асакура ўртасида бўлиб ўтади.

Маълумот учун, Илҳом Назимов ММАда 12 ғалаба ва 3 мағлубият қайд этган. Ноа Бей ҳисобида эса 5 ғалаба ва 3 мағлубият бор. Назимов бундан аввалги жангини ҳам RIZIN лигасида ўтказган эди. Япониянинг Саппоро шаҳрида ўтган RIZIN Landmark 11 турнирида 30 ёшли ҳамюртимиз Япония вакили Сугуру Ниигани илк раунддаёқ нокаутга учратганди.