Жаҳон кубоги. Бугун 1/4 финал бошланади. Синдаров Абдусатторов учун "ўч" олишга уриниб кўради

Дунёнинг 206 нафар шахматчиси иштирокида бошланган нуфузли мусобақада бугун 1/4 финал босқичи старт олади. Кеча нимчорак финалнинг тай-брек баҳслари ўтказилиб, гроссмейстерларимизнинг 1/4 финалдаги рақиблари маълум бўлди. 19 ёшли Жавоҳир Синдаров Хосе Мартинес Алькантара қарши баҳс олиб боради. Мексикалик бу шахматчи турнир кашфиётига айланиб улгурди. У учинчи босқичда Нодирбек Абдусатторовни мағлубиятга учратган эди. Синдаров Нодирбекнинг мағлубияти учун реванш олишга уриниб кўради. 

Маълумот учун, Жавоҳир драматик кечган 1/8 финал босқичида германиялик гроссмейстер Фредерик Свенни мағлубиятга учратганди. Свен учинчи босқичда амалдаги жаҳон чемпиони ҳиндистонлик Гукеш Доммараджуни мусобақадан чиқариб юборгани эътиборга молик ҳолат. 

Олтинчи даврага етиб келган иккинчи гроссмейстеримиз Нодирбек Якуббоев нимчорак финалда арманистонлик Габриэль Саргиссянни 1,5:0,5 ҳисобида таслим этганди. Унинг 1/4 финалдаги рақиби яна бир немис шахматчиси Александр Донченкога қарши дона суради. Донченко чорак финалга қадар Аниш Гири, Маттиас Блубаум, Лием Ле сингари таниқли гроссмейстерларни мусобақадан чиқариб юборган.