Нурмагомедов: "Ҳақиқий чемпион даъвогарлар ҳақида ўйламайди"

Шу муносабат билан россиялик аралаш яккакураш устаси жаҳон чемпиони бўлиш нимани англатишини эслатиб ўтишга қарор қилди.

"Жаҳон чемпиони унвони шунчаки тож эмас. Бу сенинг энг яхши эканлигингнинг исботи ва исталган вақтда буни тасдиқлаш, яъни ҳимоя қилишга тайёрлигингдир. Ҳақиқий чемпион даъвогарлар ҳақида ўйламайди. У бир шиорга содиқ қолиши керак: "Ҳар қандай рақиб. Исталган жойда. Исталган вақтда", - деб ёзди Нурмагомедов ижтимоий тармоқдаги саҳифасида.

Катта эҳтимол билан, ушбу баёнот ўтган ҳафта Мераб Двалишвилини ҳакамларнинг якдил қарори билан мағлуб этиб, енгил вазн тоифасида UFC чемпионлик камарини қайтариб олган ҳамюрти Пётр Янга қаратилган.

Эслатиб ўтамиз, Умар Нурмагомедов ва Дэйвесон Фигередо ўртасидаги жанг 24 январь куни Лас-Вегас шаҳрида бўлиб ўтадиган UFC 324 турнири доирасида ташкил этилади. Худди шу турнирда дивизионнинг собиқ чемпиони Шон О`Мэлли октагонга қайтади. Агар у Сонг Ядонг устидан ғалаба қозонса, чемпионлик пойгасида нафақат Нурмагомедовни, балки Двалишвилини ҳам ортда қолдириши мумкин.