04 июн 11:30
Янгиликлар

Теннис

"Ролан Гаррос". 16 яшар Мирра Андреева уч сетлик учрашув ўтказди

Франция пойтахти Париж шаҳрида теннис бўйича "Катта Дубулға" туркумига кирувчи "Ролан Гаррос" турнири давом этмоқда.

Мусобақа кашфиётига айланган россиялик 16 ёшли Мирра Андреева учинчи даврада дунёнинг олтинчи ракеткаси, америкалик 18 яшар Коко Гоффга қарши кортга чиқди.

Икки соату уч дақиқа давом этган учрашувда WTA рейтингининг 143-поғонасида бораётган Мирра 7/6(5), 1/6, 1/6 ҳисобларида имкониятни бой бериб, ўзи учун илк "Ролан Гаррос" турниридаги иштирокини якунлади.

Бу теннисчиларнинг ўзаро ўтказган илк учрашуви эди. Иккала ёш теннисчи ҳам биттадан эйс зарбани амалга оширган. Қўшхатолар ҳам бир хил - 6 тадан бўлди. Янги рейтингда Андреева Топ-100`да дебют қилади. Гофф эса энди Анна Шмидловага қарши кортга чиқади. Словакиялик теннисчи америкалик Кайла Дэйдан устун келди - 6/1, 6/3.