Руслан Чагаев: "Владимир Кличко ҳақиқий эркак, Валуев эса ҳурматга лойиқ эмас"

"Владимир Кличко билан жанг... Ўша пайтда мен Валуев билан реваншга тайёрланаётгандим. Аммо у организмимда "Б" гепатити борлигини баҳона қилиб, жангдан қочиб қолди. Тўлиқ тасаввурга эга бўлишингииз учун - биринчи жангимиз олдидан ҳам таҳлилларим шундай бўлган ва у бу ҳақида биларди. Шундан сўнг ҳам у буни муаммо сифатида кўрмаганди. 

Иккинчи жангга келиб ҳам таҳлил натижаларим ўзгармади, аммо унинг жамоасидагилар Валуев касал юқтириб олишдан ҳавотир олаётганини айтиб, жангдан воз кечишди. 

Вазн ўлчаш маросимидан сўнг мен кечки пайт дам олишга ётдим. Аммо кечки 23:30да мураббийим Тимм хонамга кириб келди. Мен пастга тушдим. Жамоадошларим эса шундай дейишди: "Валуев томон жангни истамаяпти. Чунки сен уларга касал юқтириб қўйишинг мумкин экан". Мен эса: "У аҳмоқми? У рози бўлгандику?".

Шундан сўнг мен 4-5 маротаба қон таҳлилини топширдим. Бу кўпайиб кетганидан соғлиғим ёмонлашди. Вазн ўлчашгача барчаси жойида эди, кейин эса нима учундир улар қўрқиб кетишди. Менда икки фарзандим, аёлим бор - уларнинг барчаси соғ-саломат. Қонимда "Б" гепатити антигени бор. Аммо мен хеч кимга юқтирмайман. У қонимда бор, лекин у хавфсиз. Шунчаки мен донор сифатида қон бера олмайман. Тўғрисини айтаман - мен Валуевни ҳурмат қилмайман.

Икки ҳафтадан сўнг менга жанги бекор бўлган Кличкони таклиф қилишди. Мен рози бўлдим. Шундай вазиятда ҳам мен Володя Кличкога ҳурматимни айтмоқчиман. Ҳа ютқаздим. Аммо у жангдан кейин ўзини эркаклардек тутди. Мен мағлубиятимни тўғри қабул қилдим. Ҳа ютқаздим, Володяга эса тасанно. 

Мен хеч нарса қила олмадим, у мени ютди, ўзим истаган боксни намойиш эта олмадим. Унга нисбатан фақат ҳурмат бор. Валуевга эса инсон сифатида ҳам, спортчи сифатида ҳам умуман ҳурмат йўқ", - деди Чагаев.