21 апр 11:49
Янгиликлар
Самбо
Самбочиларимиз Осиё-Океания чемпионатини умумжамоа ҳисобида биринчи ўринда якунлашди
14-20 апрель кунлари Тошкент шаҳрида самбо бўйича Осиё-Океания чемпионати баҳслари бўлиб ўтди.
Мусобақада қитъамизнинг 25 га яқин мамлакатидан 600 нафардан ортиқ самбочилар турли ёш тоифаларида медаллар учун кураш олиб боришди.
Чемпионат доирасида кичик ўсмирлар, ўсмирлар, ёшлар, катталар, спорт усталари (фахрийлар), кўзи ожизлар ва заиф кўрувчилар ўртасидаги беллашувлар бўлиб ўтди.
Осиё-Океания чемпионати якунига кўра, ўзбекистонлик самбочилар мусобақа мобайнида умумий ҳисобда 69 та олтин, 29 та кумуш, 45 та бронза медалларини қўлга киритиб, умумжамоа ҳисобида биринчи ўринни эгаллашди.
Ўзбекистон самбо ассоциацияси мусобақада муваффақиятли иштирок этган самбочиларимизни, уларнинг мураббийлари ва яқинларини муборакбод этади.
Ҳавола :
Манба : t.me/uzbekistan_sambo
Фикрлар