Шахматчи қизларимиз 676 250 доллар мукофот пулига эга Жаҳон кубогида иштирок этишади

Ушбу нуфузли мусобақада дунёнинг 47 мамлакатидан келган 107 нафар кучли аёл шахматчилар иштирок этишади. Улар орасида Ўзбекистон терма жамоасининг уч нафар вакиласи ҳам совринли ўринлар учун курашга киришади. 

Жаҳон Кубогининг умумий мукофот жамғармаси 676 250 АҚШ долларини ташкил қилади. Ғолиб 50 000 АҚШ долларига эга чиқади. Ғолиб ва совриндорлар 2026 йилда бўлиб ўтадиган FIDE Номзодлар турнирига йўлланмани қўлга киритади.

Ўзбекистон шарафини ҳимоя қиладиган шахматчиларимиз:

IM Гулруҳбегим Тоҳиржонова – FIDE президенти томонидан “wild card” (имтиёзли йўлланма)

WIM Афруза Ҳамдамова – FIDE 3.4 зона чемпиони

WIM Умида Омонова – 2025 йилги Ўзбекистон чемпиони