14 июн 14:01
Янгиликлар

Шахмат

Синдаров жаҳон чемпионати учинчи кунининг энг яхши шахматчиси деб топилди

Шу кунларда дунё шахмат оммасининг нигоҳи Буюк Британиянинг Лондон шаҳрида ўтказилаётган рапид ва блиц йўналишлари бўйича жамоавий Жаҳон чемпионатига қаратилган.

Кеча жамоалар ўртасидаги дунё биринчилигида рапид баҳслари якунига етди. Ўзбекистон терма жамоаси 17 очко билан қўшимча кўрсаткичларга кўра 55 жамоа орасида 4-ўринни эгаллади. Кучли учликни якунлаб берган жамоа ҳам биз сингари 17 очко тўплагани бироз аламли бўлди.

Лекин қувонишга арзигулик хабарлар ҳам бор. Иккинчи доскада биронта ҳам муғлубиятга учрамаган Жавоҳир Синдаров шахсий йўналишда олтин медални қўлга киритди. У шунингдек, кечаги, сўнгги куннинг энг яхши шахматчиси деб ҳам топилди. Нодирбек Абдусатторов эса биринчи тахтада кумуш медалга сазовор бўлди.