24 окт 15:45
Янгиликлар

Теннис

Султонов камбэк эвазига Франциядаги турнирни ғалаба билан бошлади

Франциянинг Саргемин шаҳрида теннис бўйича M25 туркумидаги турнир бошланди.

M25 тоифасига кирувчи ушбу мусобақада ҳамюртимиз Ҳумоюн Султоновнинг ҳам иштирок этиши ҳақида хабар берган эдик. Мамлакатимизнинг биринчи ракеткаси 1/16 финалда германиялик Якоб Шнайттерга қарши кортга чиқди.

Биринчи сетни 3/6 ҳисобида бой берган Султонов ажойиб камбэк эвазига учрашувни ўз фойдасига ҳал қилди. У кейинги сетларда 6/4, 7/5 ҳисобларида зафар қучди. Ушбу баҳс 2 соату 23 дақиқа давом этган.

Таққослаш учун, турнирда бешинчи рақам остида таснифланган Ҳумоюн айни пайтда дунёнинг 429-ракеткаси бўлиб турибди. Германиялик теннисчи эса ATP рейтингида 693-поғонадан жой олган. Энди эртага у 1/8 финалда Опитц/Вилегжанин ўйини ғолибига қарши кортга чиқади.