08 мар 07:01
Янгиликлар
Олимпия ўйинлари
ХОҚ октябрда 2030 йилги Олимпиада мезбонини аниқлайди
14-17 октябрь кунлари Ҳиндистоннинг Мумбай шаҳрида Халқаро Олимпия қўмитасининг навбатдаги йиғилиши бўлиб ўтади.
Унда 2030 йилги қишки Олимпия ўйинлари мезбони аниқланади. Бу борада ташкилот расмий сайти хабар бермоқда. ХОҚ сессиясидан бир неча кун олдин ташкилот ижроия қўмитаси йиғилиши ҳам бўлиб ўтади. 14 октябрь куни сессиянинг очилиш маросими ўтказилади. Муҳокамалар 15 октябрдан 17 октябрга қадар давом этади.
Бунга қадар Олимпиада-2030ни ўзида қабул қилиш учун Канаданинг Ванкувер ва Уистлер, Япониянинг Саппоро ҳамда АҚШнинг Солт-Лейк-Сити шаҳарлари ариза топширганди.
2024 йилги Олимпиада Парижда бўлиб ўтади. 2026 йилги қишки Олимпия баҳслари эса Италиянинг Милан ҳамда Кортина-д’Ампеццо шаҳарларида ўтказилса, 2028 йилги ёзги Олимпиада Лос-Анжелесда бўлиб ўтади.
Ҳавола :
Манба : championat.com
Фикрлар