18 дек 07:06
Янгиликлар

Қишки спорт турлари, Милан-Кортина-2026

Мэрайя Кэри 2026 йилги Олимпия ўйинларининг очилиш маросимида қўшиқ куйлайди

Италияда бўлиб ўтадиган 2026 йилги қишки Олимпия ўйинларининг очилиш маросимида америкалик қўшиқчи Мэрайя Кэри чиқиш қилади.

Бу ҳақда ташкилий қўмита хабар бермоқда.

"Мэрайя Кэри авлодлар ва маданиятларни бирлаштирган ўзига хос овози ва ижоди билан бутун дунёда тан олинган", - дея танловга изоҳ берди ташкилотчилар.

Маълум қилинишича, Олимпия ўйинлари очилиш маросими бирданига тўртта майдонда бўлиб ўтади: Миландаги "Сан-Сиро" стадиони, "Кортине-Д’Ампеццо", "Ливино" ва "Предаццо". Бу ўйинлар тарихидаги биринчи шундай ҳолат.

Эслатиб ўтамиз, Қишки Олимпиада 2026 йилнинг 6-22 февраль кунлари Италиянинг Милан ва Кортина-д’Ампеццо шаҳарларида бўлиб ўтади. Айни пайтда очилиш маросими чипталари 260 евродан 2 000 еврогача сотилмоқда.