"11 киши 9 кишига қарши ўйнаганини тасаввур қилиб кўринг". Моуринью — "Реал"нинг "Атлетико"га қарши ўйини ҳақида

Учрашув Мадриддаги "Сивитас Метрополитано" стадионида бўлиб ўтди ва унда Мигель Анхель Ортис Ариас бош ҳакам сифатида ишлади.

"Хёйсеннинг қизил карточкасига келадиган бўлсак, тан олишим керак, мен вазиятни ҳали қайта кўрмадим. Хулоса чиқариш учун ҳодиса мендан жуда узоқда содир бўлди. Кийиниш хонасида менга фол жарима майдончасидан ташқарида бошланганини айтишди. Агар шундай бўлса, бу фол, қизил карточка ва ҳисоб 0:0. Агар жарима майдони ичида бўлса — бу пенальти, агар футболкадан очиқчасига ушлаб тортилган бўлса, бу ҳам қизил карточка.

Аммо буларнинг барчаси иккинчи бўлимда содир бўлди. Биринчи бўлимда эса биз 11 киши 9 кишига қарши ўйнаган дерби ҳақида гапирган бўлар эдик. Иккинчи бўлимда эса — 11 киши 10 кишига қарши. Футболчиларга курашиш қанчалик оғир бўлгани ва улар бор кучларини беришгани кўриниб турди. 11 киши 9 кишига қарши ўйнаганида нима бўлишини тасаввур қилиб кўринг — футболда мўъжизалар бўлмайди ва ҳаммаси қандай якунланишини олдиндан тахмин қилиш қийин эмас. Аммо мен Диннинг қизил карточкасини ҳали кўрганим йўқ", — деди Моуринью "Реал"нинг расмий сайтига.