Ўзбекистоннинг Харбин-2025 Осиё ўйинларида иштирок этадиган таркиби маълум, ундан бир неча "легионерлар" ўрин олган

Унда Ўзбекистон делегациясининг иштирок этиши сўнгги кунларгача сўроқ остида қолаётганди. Бироқ кеча мусобақа расмий сайтида Ўзбекистон МОҚқа оид маълумотлар пайдо бўлди.

Мусобақа расмий сайтидаги маълумотларга таянадиган бўлсак, Ўзбекистон ҳозирча 6 та йўналишда қуйидаги спортчиларни рўйхатдан ўтказган:

Конькида учиш (Данила Семериков)

Шорт-трек (Денис Айрапетян, Даниил Ейбог)

Фигурали учиш (Дмитрий Чигирев, Екатерина Гейниш, Нигинабону Жамолиддинова, Севинч Раҳимова, Азизмурод Шабазов)

Тоғ чанғиси (Арман Гаюпов, Никита Горковский, Ксения Григорьева, Валерия Ковалева, Мария Морозова, Медет Назаров, Сабина Режепова, Комилжон Тўхтаев)

Биатлон (Дилмурод Абдурахманов, Ролан Раимқулов)

Чанғи альпинизми (Махсуджон Акобиров, Мохинур Аралова, Феруза Бобоқулова, Эъзозбек Хушвақтов, Шохрух Сардоров, Жасур Шамшиддинов, Асила Шойимова, Эъзоза Шаймардонова).