03 окт 10:28
Янгиликлар

Бокс/ММА

Ҳасанбой Дўсматов мексикалик тажрибали боксчига қарши жанг қилади (ПОСТЕР)

Хабар берганимиздек, 25-26 октябрь кунлари Қирғиз Республикаси пойтахти Бишкек шаҳрида шу номдаги спорт аренасида проф бокс оқшоми ўтказилади.

Мусобақада иштирок этадиган ўзбекистонлик чарм қўлқоп устаси Ҳасанбой Дўсматовнинг рақиби номи эълон қилинди.

Ҳамюртимиз турнир доирасида мексикалик Рене Калисто билан баҳс олиб боради. Жанг ўта енгил вазн тоифасида (50,8 кг) ташкил этилади. Бу Ҳасанбой учун мазкур дивизиондаги илк баҳс бўлади.

Эътиборлиси, Ҳасанбойнинг Калисто билан жанги IBF рейтингида 2-ўринга кўтарилиш учун элиминатор мақомида ўтади.

32 ёшли Ҳасанбой проф фаолияти давомида 7 та жанг ўтказиб, барчасида ғолиб бўлган. Рене Калисто ҳисобида эса 23 та ғалаба, 1 та мағлубият ва 1 та дуранг бор. Ҳасанбой айни дамда ўта енгил вазнда IBF рейтингида 8, Калисто эса 7-ўринни эгаллаб турибди.