14 май 08:46
Янгиликлар

Теннис

17 ёшли иккинчи ракеткамиз Белозерцев Сербия турнири 1/8 финалида

Сербиянинг Куршумлия-Баня шаҳрида теннис бўйича М15 тоифасига кирувчи турнир бўлиб ўтаётгани ҳақида хабар берган эдик.

Мусобақада мамлакатимизнинг иккинчи ракеткаси, Украинадан маҳаллийлаштирилган Никита Белозерцев ҳам ўз омадини синаб кўрмоқда. 17 яшар теннисчимиз илк даврада сербиялик Лука Керамилакка қарши кортга чиқди ва 7/5, 6/1 ҳисобида ғалаба қозонди.

Маълумот учун, турнирда олтинчи рақам остида таснифланган Никита Белозерцев айни пайтда ATP рейтингида 780-ўринни эгаллаб турибди. Унинг рақиби эса ҳали рейтингга киритилмаган. Бугун вакилимиз 1/8 финалда яна бир серб теннисчиси Симеоне Станковичга қарши баҳс олиб боради.