13 авг 10:00
Янгиликлар

Теннис

18 яшар Шаповалов замонавий теннис тарихига кирди

Канадалик Денис Шаповалов Канаданинг Монреаль шаҳрида якунига етиб бораётган “Мастерс” сериясига кирувчи турнирда ўзига хос тарих яратди.

У чорак финал учрашувида франциялик Адриан Маннаринони 2:6, 6:3, 6:4 ҳисобида мағлуб этган эди. Асосий даврага имтиёзли йўлланма асосида қўйилган 18 ёшли канадалик теннисчи ундан аввалги босқичда Рафаэль Надални ҳам таслим этганди.

Шу тариқа, Шаповалов 1990 йилдан бери ўтказиб келинаётган “Мастерс” сериясига кирувчи турнирлар тарихидаги ярим финалга етиб келган энг ёш теннисчига айланди. Чорак финал куни Денис 18 ёшу 118 кунлик эди.