18 ёшли 18-ракетка "Ролан Гаррос"да муваффақиятли старт олди

Дунёнинг 18-ракеткаси бўлиб турган америкалик Кори Гофф Франция Очиқ чемпионатининг биринчи даврасида WTA рейтингининг 116-поғонасини эгаллаб турган канадалик Ребекка Маринодан устун келди - 7/5, 6/0.

Саксон икки дақиқа давом этган баҳсда АҚШ вакиласи 1 та эйс, 6 та брейкни амалга ошириб, 10 та қўшхатога йўл қўйди. Канадалик теннисчи эса 2 та эйс, 2 та брейк ва 3 та қўшхато қайд этди. Бу теннисчиларнинг ўзаро ўтказган илк учрашуви эди. Энди Гофф бельгиялик Алисон ван Уйтванкка қарши кортга чиқади. Алисон ўз ўрнида америкалик Энн Лини иродали ғалаба эвазига таслим этди.