03 июн 09:30
Янгиликлар

Теннис

18 ёшли Кори Гофф Франция Очиқ чемпионати финалига чиқди

Америкалик 18 ёшли теннисчи Кори Гофф Парижда давом этаётган Roland Garros турнирининг илк финал иштирокчисига айланди.

Гофф ярим финалда Италия вакиласи Мартина Тревизанни 6/3, 6/1 ҳисобида мағлуб этди. Учрашув 1 соату 26 дақиқа давом этган. Баҳс давомида Корри битта эйс, иккита қўшхато ва олтита брейкни амалга оширди. Тревизан эса тўртта қўшхато ва иккита брейк қайд этди.

Кори Гоффнинг бош соврин учун учрашувдаги рақибаси сайёрамизнинг биринчи ракеткаси, польшалик Ига Свёнтек бўлади. У турнирнинг ярим финалида WTA рейтингида 20-ўринни эгаллаб турган россиялик Даря Касаткинадан устун келган.