24 окт 17:48
Янгиликлар

Бокс/ММА

Хабиб таъсир доираси кучли мусулмонларнинг топ-500 рўйхатида, Туркия Президенти 1-ўринда!

Аралаш қоидалар бўйича енгил вазнда UFC чемпиони Хабиб Нурмагомедов таъсир доираси кучли бўлган мусулмонларнинг топ-500 рўйхатига киритилди.

Ушбу рўйхат ҳар йили Themuslim500.com сайти орқали янгиланиб турилади. Нурмагомедовдан ташқари рўйхатга спорт оламининг яна саккиз нафар вакили киритилди: футболчилар - Муҳаммад Салоҳ, Поль Погба, Месут Озил, Зинедин Зидан, ФИФА президентлигига собиқ даъвогар Али бин Ал-Хуссайн, енгил атлетикачи Муҳаммад Фара, крикетчи Ҳошим Амла ҳамда регби юлдузи Сонни Уильямс.

“Ливерпуль” ҳужумчиси Муҳаммад Салоҳ топ-50га кирган ягона спортчи бўлди. Мисрлик футбол жавоҳири рейтингнинг 46-поғонасидан жой олган. Рейтингда Туркия Президенти Режеп Тайип Эрдоган пешқадамлик қиляпти.