25 май 13:54
Янгиликлар

Спорт курашлари

Қозоғистон яна бир нуфузли Жаҳон чемпионати мезбонлигини қўлга киритди

Спорт курашлари бўйича катталар ўртасида 2026 йилги Жаҳон чемпионати мезбонлиги Қозоғистонга ўтказилди.

Мусобақа 24 октябрдан 1 ноябрга қадар Астана шаҳрида бўлиб ўтади.

United World Wrestling бюроси жума куни йиғилиш ўтказиб, ҳозирги геосиёсий вазият, айниқса халқаро сафарларга таъсир қилаётган ноаниқликларни инобатга олган ҳолда, 2026 йилги Жаҳон чемпионати мезбонини ўзгартиришга қарор қилди.

Аслида, катталар ўртасидаги жорий дунё биринчилиги Баҳрайннинг Манама шаҳрида бўлиб ўтиши керак эди.

Эслатиб ўтамиз, Астана 2019 йилда ҳам Жаҳон чемпионатини ўзида қабул қилганди.