2021 йилда кўришгунча! Бу йилги халқаро мавсум тугади

Бунга бутун дунёдаги пандемик вазият сабаб бўлмоқда. Октябрь ойи охирида Венгрияда рестартдан кейинги илк - Будапешт "Катта Дубулға" турнири муваффақиятли тарзда ўтказилган эди. Шундан сўнг IJF йил охиригача ҳеч бўлмаганда битта жаҳон дзюдо мусобақаси - Хорватия пойтахтида ташкил этиладиган Загреб Гран-присини ўтказишга умид боғлаганди. 

Афсуски, коронавирус инфекцияси сабаб дунёнинг аксарият мамлакатларида юзага келган пандемик инқироз тобора кучайиб бормоқда. Бунинг натижасида кўплаб давлатлар Сovid-19 вирусининг тарқалишини олдини олиш, тўхтатиш учун қатъий чораларни қўллашга мажбур бўлмоқда. Айрим мамлакатларда мусобақа тугул, машғулот ўтказишга ҳам шароит йўқ, яъни спорт заллари ёпилган. Шу омилларни инобатга олган ҳолда IJF бу йил бошқа халқаро масштабдаги мусобақаларни ўтказмасликка қарор қилди. 

Халқаро дзюдо федерацияси энди 2021 йилнинг илк мусобақаси - январь ойида Доҳада ўтказилиши режалаштирилаётган Қатар "Мастерс" мусобақасининг ўтказилишидан умидвор.