Муроджон Аҳмадалиевнинг кимга қарши жанг қилиши 90 кун ичида аниқ бўлади

"Халқимизга, мухлисларимизга жанг ҳақида тўлиқ маълумот беролмадим. Бу спорт, баъзида жанг бўлади, баъзида эса қолдирилади. Барчаси тезда содир бўлди. Шундай бўлсада, ғалаба қозонишга эришдим. Рақибим кучли ва тажрибали боксчи ҳисобланарди. У бир неча марта чемпионлар билан ҳам жанг қилган. Мақсад йўлида биз жангга жиддий тайёргарлик кўрдик, мураббийларим билан учрашувга ўзига ҳос тактикалар ишлаб чиқдик. Кейинги жангим жаҳон чемпионига қарши бўлиши керак. Қайси чемпион билан жанг қилишим тўқсон кунда маълум бўлади. Насиб қилса, кейинги жангимда жаҳон чемпионлик камарини қўлга киритаман", - деди Муроджон Аҳмадалиев.

Эслатиб ўтамиз, Аҳмадалиев 27 апрель куни мексикалик Карлос Карлсонга қарши рингга кўтарилди ва рақибини учинчи раундда нокаутга учратганди.