29 ноя 13:06
Янгиликлар

Теннис

26 ёшли “Тошкент Опен” турнири ғолибаси фаолиятини якунлади

Сербиялик 26 ёшли теннисчи Бояна Йовановски профессионал фаолиятига якун ясади.

“Мен катта теннисдан кетяпман. Бу қарорга келиш осон бўлгани йўқ. Лекин жароҳатлар, бунинг натижасида ўтказилган жарроҳлик амалиётлари ҳаммаси бир бўлиб ўз сўзини айтди. Организмим энди кучли юкламаларни кўтара олмайди. Энди психологияни ўрганиб, мураббийлик фаолиятини бошлашга бор эътиборимни қаратаман”, - деди Бояновски.

Эслатиб ўтамиз, Бояна Йовановский қисқа фаолияти давомида иккита WTA турнирида бош мукофотни қўлга киритган. У Боку ва Тошкентдаги турнирларда тенгсиз бўлган. Бояна 2013-йилги Тошкент Опен мусобақаси ғолибаси ҳисобланади. WTA рейтингидаги энг юқори кўтарилган поғонаси 32-ўрин.