42 ёшли Баду Жекдан WBC чемпионлик камарини тортиб олишди

Оқшом доирасида биринчи оғир вазн тоифасида собиқ WBC чемпиони Ноэл Микаэлян реванш жангида ушбу камарнинг амалдаги соҳиби бўлиб келган 42 ёшли Баду Жекка қарши рингга кўтарилди. 

2024 йил охирида WBC чемпионлик камарини қайтариб олган Жек шу йилнинг май ойида илк ҳимоя жангини айнан Микаэлянга қарши ўтказиб, ҳакамларнинг қарори билан (115-113, 115-113, 114-114) ғалаба қозонганди. 

WBC боксчилар ўртасида реванш жангни тайинлади. Бу сафар Микаэлян фаолроқ бўлди ва очколар бўйича (115-111, 115-111, 116-110) зафар қучиб, WBC чемпионига айланди. Саккизинчи раундда Жекдан гонгдан кейин зарба бергани очко олиб ташланди.

Маълумот учун, 35 ёшли германиялик-арманистонлик боксчи Ноэл Микаэлян биринчи марта 2023 йилнинг ноябрида WBC чемпионлик камарини қўлга киритган, аммо промоутери Дон Кинг билан зиддият туфайли "таътилдаги чемпион"га айланганди. Камар эса бундан олдин ҳам "таътилдаги чемпион" бўлган Бад Жекка ўтганди.

Эслатиб ўтамиз, сўнгги беш йил ичида биринчи оғир вазн тоифасида WBC чемпионлик камари учун атиги бешта жанг ўтказилган. Эҳтимол Микаэлян IBF ва The Ring чемпиони Жей Опетайига қарши бирлаштирувчи жангга қизиқиш ҳам билдирмас.